• 'चोर-पुलिस' खेलौं

    आउ साथी आउ
    'चोर-पुलिस' खेलौं
    यहाँ चोरी नै आवस्यक छ
    यहाँ चोरीकै भविष्य छ
    त्यसैले तिमी आउ
    हामी 'चोर-पुलिस' खेलौं।
     

     भुइंचालो 'आयो'!

    डाँडा पाखा हल्लाएर गयो
    सबैको मन रुवाएर गयो
    यही हो 'मौका'
    आउ तिमी,
    अरुलाई'नि डाक
    हामी 'चोर-पुलिस' खेलौं।
     

    अरुको यहाँ 'बाल' मतलब
    सक्ने जति कुम्लो कस,
    तिम्रो काम हो चोरी गर,
    तर!
    मेरो भाग'नि ख्याल गर।
    आउ तिमी ढुक्क भै
    अनि
    हामी 'चोर-पुलिस' खेलौं।

     

    संसारै देखावटी,
    हात्तीका दाँत जस्तै
    म कुटे झैँ गर्छु
    तिमी रोए झैँ गर्नु
    तिम्रा 'गोही' वाला आँशुको
    मार्केट ठुलो छ।
    तेसैले,
    तिमी आऊ बथान लिई
    हामी 'चोर-पुलिस' खेलौं।
     
     


     
    रामजी भण्डारी
    संयुक्त अधिराज्य
    २०७२ आषाढ ३

  • You might also like

    No comments:

    Post a Comment

Blog Archive

Recent Posts